DOES DIM ANGEN CAR ARNOCH I FWYNHAU ABERTAWE!

Mae'r llwybr arfordir yn caniatáu i chi fwynhau harddwch y glannau’n hamddenol mewn amgylchedd di-draffig, naill ai ar feic neu ar droed. Neu daliwch fws i'r Mwmbwls a mwynhau'r panorama hwn drwy'r ffenestri mawrion o gysur eich sedd.

Mae gan Abertawe hanes morwrol pwysig ac yn ei hanterth, roedd ganddi bedwar doc gyda llongau'n hwylio ac yn masnachu ledled y byd. Un doc sy’n masnachu bellach ac erbyn heddiw mae glan yr afon a Doc y De yn farina deniadol. Mae Amgueddfa Genedlaethol y Glannau yn atyniad pwysig a ysbrydolwyd gan y dreftadaeth hon. Mae'r Ardal Forol yn ardal fechan rhwng y Marina a’r Tawe sy'n cynnwys rhai o’r strydoedd Fictoraidd a osgodd y bomio yn ystod yr Ail Ryfel Byd. Adferwyd rhai o’r adeiladau morwrol ar ddwy lan y Tawe hefyd. Mae'r Marina wedi cael ei ddatblygu ers y 1980au a bellach mae'n rhan ddarluniadwy o Abertawe a saif yng nghysgod y Tŵr Meridian newydd.

Mae hwn yn ehangder anferth, anhygoel o wyrddni rhwng yr arfordir, y brifysgol a maestref Sgeti. Mae'n wych ar gyfer cerdded, beicio ac ymlacio'n gyffredinol, ac mae golygfeydd godidog o'r môr.

Mae'r Gerddi hyn yn gartref i un o gasgliadau planhigion gorau Cymru, gyda'u borderi blodau ysblennydd a'r tai gwydr. Saif y gerddi yng nghanol amgylchoedd llonydd Parc Singleton, ac mae'n lle hamddenol i grwydro neu i gael ysbrydoliaeth.

Mae'r parc darluniadol hwn yn agos i ganol prysur dinas Abertawe ond eto mae'n hafan o lonyddwch.

Anfarwolwyd y parc hwn gan Dylan Thomas a fagwyd yn agos iddo – chwaraeai yma'n blentyn, ac ysbrydolwyd ei farddoniaeth yno'n ddiweddarach.

Os ydych yn meddwl eich bod yng nghanol y wlad – meddyliwch eto! Yn llai na 50 mlynedd yn ôl, roedd hwn yn safle i waith mwyndoddi sinc ac mae'n rhan o brosiect adsefydlu Cwm Tawe Isaf o'r 1960au a'r 70au. Mae bellach yn lleoliad i gymysgedd o allfeydd adwerthu, cyfanwerthu a datblygiadau diwydiannol ysgafn.

Mae'r amgueddfa anhygoel hon yn olrhain treftadaeth forwrol Cymru a'i threftadaeth ddiwydiannol gysylltiedig – trwy ddulliau rhyngweithiol yn bennaf, ynghyd ag ar ffurf arddangosiadau traddodiadol.

Mae Amgueddfa Abertawe yn cynnwys arteffactau niferus o Abertawe ddoe a heddiw, ac yn canolbwyntio hefyd ar ddyfodol y ddinas a'i phobl. Mae iddi nifer o leoliadau – y prif adeilad ar Ffordd Ystumllwynarth, y sied dramiau a'r arddangosion nofiol yn y Marina, a storfeydd yr amgueddfa yng Nglandŵr.

Cyfle i weld hanes morwrol a diwydiannol Abertawe ar y daith gyffrous hon ar gwch y Copper Jack o Farina Abertawe i fyny'r Tawe cyn belled â Stadiwm Liberty a nôl.

Anfarwolwyd maestref yr Uplands yn Abertawe gan Dylan Thomas am iddo gael ei fagu a threulio'r rhan fwyaf o'i flynyddoedd cynnar yno. Ynghyd â'i fan geni,, sydd wedi ei adfer yn arddull y cyfnod, mae llawer o gyrchfeydd eraill y bardd yn yr Uplands yn dal i fodoli – yr enwocaf yw Parc Cwmdoncyn.

Mae'r Ganolfan yn gartref i arddangosfa barhaol o’r enw ‘Love the Words’ a agorwyd ar ben-blwydd Dylan yn 100 oed. Mae arddangosiadau rhyngweithiol, man dysgu, a man arddangos dros dro yn dweud y stori am waith a bywyd un o ysgrifenwyr mwyaf blaenllaw'r 20fed ganrif.

Sefydlwyd Gwaith Copr Hafod gan John Vivian yn 1810 ac roedd yn un o'r pum prif waith copr yng Nghwm Tawe Isaf. Daeth y mwyn copr yma o Gernyw a Gogledd Cymru i gychwyn, ac yn ddiweddarach o Chile a Chiwba. At ei gilydd, roedd 90% o fwyndoddi copr y wlad yn digwydd o fewn radiws o 20 milltir Abertawe. Dyna sut cafodd ei henw, 'Copperopolis'. (Llun © Stephen Miles)

Eglwys Blwyf y Santes Fair yw'r brif eglwys Anglicanaidd yn Abertawe, ac mae'r adeilad presennol yn dyddio o 1896. Yn 1941 cafodd ei difrodi'n ddifrifol gan y bomio a chafodd ei hailadeiladu yn y 1950au. Mae'n edrych dros sgwâr dymunol yng nghanol y ddinas.

Mae olion y Castell yn rhan fechan o'r adeilad gwreiddiol ar ei safle strategol uwchlaw hen gwrs yr afon. Mae ei olion yn dyddio o ddiwedd y 13eg a dechrau'r 14eg ganrif. Saif ger Sgwâr y Castell yn agos i eglwys y Santes Fair.

Mae'r profiad hwn o'r Ail Ryfel Byd, Bae Abertawe yn y 1940au, yn atyniad anhygoel. Mae'n dangos golygfa stryd dan do go iawn, lloches cyrchoedd awyr gyda sŵn bomiau'n disgyn, siop a ddifrodwyd gan fom, parlwr ffrynt o adeg y rhyfel, a replica o dafarn y Three Lamps.

Yr LC yw Parc Dŵr dan do mwyaf Cymru, gyda champfa o'r radd flaenaf, peiriant syrffio dan do chwedlonol (y Boardrider), man chwarae rhyngweithiol, wal ddringo dan do, a neuadd chwaraeon ac arddangos amlbwrpas.

Profiadau dringo dan do ac awyr agored i bobl o bob oedran a gallu, gyda hyfforddiant arbenigol.

Mae'r pwll nofio dan do 50 metr hwn yn cynnig amrywiaeth eang o weithgareddau dŵr ac amlchwaraeon, a chyfleusterau iechyd a ffitrwydd corfforol i bobl o bob oedran a gallu.

Theatr y Grand Abertawe yw'r ganolfan ar gyfer y celfyddydau perfformiadol yn y ddinas gyda theatr, bale, pantomeim, perfformwyr enwog a llawer mwy.

Theatr fyw, sinema a pherfformiadau ffrydio byw mewn lleoliad anffurfiol, dymunol ar Gampws Singleton y Brifysgol.

Mae'r Neuadd Fawr yn gysylltiedig â'r Taliesin ac mae'n llwyfannu digwyddiadau cerddorol a llenyddol pwysig.

Mae Neuadd y Brangwyn yn rhan o gyfadeilad Neuadd y Ddinas a hwn yw'r prif leoliad yn Abertawe am gyngherddau a digwyddiadau dan do.

Mae'r Glynn Vivian yn un o orielau celf blaenllaw Cymru ac mae'n gartref i gasgliadau enwog o waith celf, cerflunwaith a phensaernïaeth. Mae'n cynnal llawer o ddigwyddiadau cysylltiedig â'r celfyddydau gweledol.

Mae stadiwm chwaraeon amlbwrpas eiconig Abertawe yn gartref i dîm pêl-droed Dinas Abertawe a thîm rygbi rhanbarthol Y Gweilch. Mae hefyd yn cynnal digwyddiadau awyr agored a dan do.

Mae'r lleoliad hwn yn gartref i Glwb Criced Sir Forgannwg a Chlwb Rygbi Pêl-droed Abertawe, ac mae'n parhau i gynnal llawer o ddigwyddiadau.

Dyma'r unig drac cartio dan do yn Abertawe ac mae yma gartiau i bobl o bob oedran a safon, ynghyd â thraciau i herio gyrwyr o bob math. Er bod hwn yn sefydliad 'aelodau yn unig', mae’r aelodaeth ‘sylfaenol’ a'r ‘clwb gyrwyr’ yn agored i bawb.

Mae'r farchnad dan do fwyaf yng Nghymru yn cynnig un o'r profiadau siopa mwyaf difyr yn Abertawe.

Lleolir Canolfan Siopa'r Quadrant yng nghanol Abertawe ac mae'n lletya llu o adwerthwyr blaenllaw dan yr unto.

Mae Parc Siopa'r Morfa yn un o brif leoliadau adwerthu de orllewin Cymru, ac mae’n llai na dwy filltir o Ganol Dinas Abertawe.

Datblygwyd y parc adwerthu a hamdden hwn ar gyrion Abertawe i gyfuno siopau modern a chynnig hamdden ac arlwyo cryf ar yr un safle.

Os ydych yn chwilio am frandiau mawr, siopau rhagorol a therapi siopa gwych, fe gewch y cyfan yma ym mhrif leoliad siopa awyr agored Abertawe.

Mae llawer o safleoedd gwerthu bwyd a diod yn ardal Stryd y Gwynt, ac mae rhai eraill wedi'u gwasgaru o gwmpas canol y ddinas a'r Marina.

Mae’r barrau a'r bwytai bach niferus yn yr ardal hon yn darparu'n helaeth ar gyfer y farchnad fyfyrwyr.

Mae llu o leoedd bwyta o bob math yn Y Mwmbwls – yn cynnig bwydydd at bob dant. Mae dau dafarn bragdy crefft yn y pentref hefyd.